Inicio

Xornadas de Audio e Gráficos con SL: Petición de contribucións

Dom, 05/30/2010 - 18:52 — emilioj

Dende o Grupo de Programadores e Usuarios de Linux (GPUL) comprácenos anunciar que, retomando o espírito das xa consolidadas «Xornadas sobre Informática Gráfica» (dúas edicións, en 2004 e 2007), estanse a organizar unhas novas xornadas nas que se incluirá tamén a non menos importante temática do audio, dando lugar ás «Xornadas de Audio e Gráficos con SL» que se celebrarán na Facultade de Informática da Universidade da Coruña entre os días 13 e 14 de xullo de 2010.

Sirva esta chamada á participación para invitar a todos os interesados en temas de audio e gráficos a asistir ou participar activamente nas xornadas enviando unha proposta de charla ou obradoiro.

Ligazón do evento: http://www.gpul.org/?q=node/116

  • Requisitos de presentación
    • Temática: estará relacionada co Software Libre e co audio e/ou cos gráficos (render, animación, deseño gráfico, vídeo...). As propostas poden ter todo tipo de enfoques: divulgativo, desenvolvemento, investigación...
    • Lingua: poderanse presentar propostas en galego, castelán, portugués, inglés ou francés.
    • Software: todo software referenciado debe de ser compatible coa definición de Software Libre da FSF.
    • Gravación e distribución dos contidos: o poñente autoriza a GPUL a facer unha gravación da súa intervención, así como a distribuir tanto a gravación coma o resto do material empregado durante a intervención, baixo unha licencia libre (segundo a FSF).
  • Envío de propostas
    • Pódense formalizar as propostas a través deste formulario ou ben por correo a xag@udc.es, indicando:
      • Temática: Audio/Gráficos
      • Título
      • Nome do poñente
      • Enderezo electrónico
      • Teléfono de contacto (opcional)
      • Empresa/Institución á que pertence
      • Duración aproximada: recomendado 45 min./máximo 90 min.
      • Resumo: o máis completo posible sen extenderse demasiado
      • Solicita axuda de viaxe: Si/Non
    • A data límite para a recepción de propostas será o 27 de xuño.
    • A data de notificación da aceptación das propostas será o 28 de xuño.
  • Contacto
    • Para máis información podedes contactar coa organización a través do enderezo info@gpul.org.

¡Animádevos a presentar as vosas propostas!