Xornadas Multimedia con SL: petición de contribucións

Enviado por xuco en

Dende o Grupo de Programadores e Usuarios de Linux (GPUL) comprácenos anunciar que, retomando o espírito das xa consolidadas «Xornadas de Audio e Gráficos con SL» (tres edicións), estanse a organizar as novas «Xornadas Multimedia con SL» que se celebrarán na Facultade de Informática da Universidade da Coruña os días 12 e 13 de xullo de 2011.
Sirva esta chamada á participación para invitar a todos os interesados en temas multimedia en xeral a asistir ou participar activamente nas xornadas, enviando unha proposta de charla ou obradoiro.

Ligazón do evento: http://www.gpul.org/?q=node/224

  • Requisitos de presentación
    • Temática: estará relacionada co Software Libre e coa temática das xornadas (render, animación, deseño gráfico, vídeo, audio...). As propostas poden ter todo tipo de enfoques: divulgativo, desenvolvemento, investigación...
    • Lingua: poderanse presentar propostas en galego, castelán, portugués, inglés ou francés.
    • Software: todo software referenciado debe de ser compatible coa definición de Software Libre da FSF.
    • Gravación e distribución dos contidos: o poñente autoriza a GPUL a facer unha gravación da súa intervención, así como a distribuir tanto a gravación coma o resto do material empregado durante a intervención, baixo unha licencia libre (segundo a FSF).
  • Envío de propostas
    • Pódense formalizar as propostas a través deste formulario ou ben por correo a xm@gpul.org, indicando:
      • Temática
      • Título
      • Nome do poñente
      • Enderezo electrónico
      • Teléfono de contacto (opcional)
      • Empresa/Institución á que pertence
      • Duración aproximada: recomendado 45 min./máximo 90 min.
      • Resumo: o máis completo posible sen extenderse demasiado
      • Solicita axuda de viaxe: Si/Non
    • A data límite para a recepción de propostas será o 25 de xuño. Actualización: data límite ampliada ata o 26 de xuño.
    • A data de notificación da aceptación das propostas será o 27 de xuño. Actualización: data de notificación ampliada ata o 28 de xuño.
  • Contacto
    • Para máis información podedes contactar coa organización a través do enderezo xm@gpul.org.

¡Animádevos a presentar as vosas propostas!